Ýmislegt í gangi hjá mér núna og hef ekki getað verið 100 % á danska. Bætti reyndar á mig 100 grömmum á þessum tveimur vikum síðan ég fór síðast í viktun.....síðasta viktun kom uppá á öðrum í Hvítasunnu þannig að það var engin viktun fyrir viku.

Ég kalla það nú bara gott að hafa ekki þyngst meira en þetta og ég verð að segja að þrátt fyrir lægðina þá er ég meðvituð um það sem ég læt oní mig og um leið og ég get þá byrja ég á fullu aftur.

Á fimmtudaginn fer ég í göngu með vinnunni á Helgafellið fyrir ofan Hafnarfjörð og fór síðasta fimmtudag á Keili með stelpurnar mínar með mér - þær ætla aftur að koma með og eru bara að fíla þetta í botn - að labba svona með mömmu á fjöll...

Svo er ég eins og Gorkúlan að fara í sumarfrí (á föstudaginn) og ætla þá að reyna mitt besta við að komast niður fyrir 90 kílóin.

Hafið það sem allra best skvísur og ég kíki áykkur við tækifæri.

 PS. Ætla EKKI að breyta stikunni minni fyrir þessi 100 grömm......þau verða bara að vera farin næst

...í áttina! Losaði 500 gr. í gær sem þýðir að nú á ég bara eftir 1.6 kg. í 15 kílóa markmiðið mitt og ekki nóg með það því eins og stikan hér að ofan segir þá verða tvö önnur met sett þ.e. kemst niður í nýjan tug OG er hálfnuð í minni ferð niður í kjörþyngd

Ég lenti í nokkrum freistingum þessa síðustu viku. Mér var boðið í hús þar sem var á boðstólnum nammi og ég hreinlega stóðst það ekki og fékk mér lakkrís og súkkulaði. Freistingarnar mínar voru reyndar flestar sælgætislega og held ég að það sé vegna þess að Rósa er á leiðinni

Næsta mánudag verður engin viktun vegna hvítasunnunar en ég er staðráðin í að vera búin að ná markmiðinu mínu fyrir næstu viktun og verð þess vegna bara að standa mig þrusu vel næstu daga.

Á föstudaginn strax eftir vinnu förum við gönguhópurinn "Gangverkið" uppá fjallið Keilir og ætlum að gera okkur glaðan dag uppá fjallinu og njóta útsýnisins - vonandi fáum við svipað veður eins og uppá Þorbirni - yndislegt alveg!! . Þetta nafn á hópnum kom til í dag vegna þess að við erum að vinna á Verkfræðistofu og fannst þetta nafn alveg kjörið á gögnuhópinn....hvað finnst ykkur??

Jæja, ætla að horfa á fréttirnar og fara síðan í smá göngutúr - Takk fyrir innlitið - skjáumst !!!

Jæja, tölvan komin í lag.

Ég hef verið að velta svolitlu fyrir mér undanfarna daga varðandi stress. Mér finnst svo mikið um það talað hvað konur eru þreyttar og hreinlega búnar á þvi bæði andlega og líkamlega og er þetta mjög svo oft vegna vinnu. Við vinnum kannski 100% vinnu 5 daga vikunnar og förum svo í ræktina annað hvort eldsnemma, fyrir vinnu eða eftir vinnu og erum þá kannski komnar heim um kl. 19 í fyrsta lagi og eigum þá eftir að útbúa matinn fyrir fjölskylduna. Nú svo koma skylduverk heimilisins......þvottur, tiltekt í eldhúsinu, uppvask o.þ.h. Sumar þurfa að hlíða börnunum yfir lærdóminn sinn og fleira í þessum dúr. (ég sleppi við það - þau læra í skólanum, sem betur fer)

Við erum allt of margar svona og svo má engin vera að því að heimsækja neinn vegna þess að við erum svo uppteknar af einhverju öðru eða kannski bara þreyttar eftir daginn og viljum fá að vera í friði fyrir framan TV. .......Kannast einhver við þetta??

Við erum engar "Superwoman" og getum ekki ætlast til að geta það sama og mæður okkar í heimilisverkum, því flestar voru þær heimavinnandi á meðan börnin voru í skóla (tala reyndar fyrir mig) og höfðu daginn til að gera það sem við ætlum að gera kannski frá kl. 17-21 flestar okkar. Ég persónulega vinn 5 daga vikunnar 100% vinnutíma og mér dettur hreinlega ekki í hug að fara að þrífa þegar ég kem heim. Svo skiljum við ekkert í því að við séum hreinlega að kikkna undan þessu öllu...púff!! Það er svo mikill asi alls staðar og allar alltaf að flýta sér og maður bara stressast allur upp

Ég stunda ekki líkamsrækt en fer í 1/2 tíma göngutúra á kvöldin eftir að vera búin að gefa fjölskyldunni að borða, síðan bið ég oftast stelpurnar mínar að taka af borðinu og setja í uppþvottavélina á meðan. Í göngunni... sem ég fer venjulega ein.... fæ ég mjög góðan tíma með sjálfri mér til að hugleiða og kem svo venjulega endurnærð heim.

En í dag eftir vinnu kl.18 fórum við nokkur úr vinnunni í fjallgöngu og gengum upp fjallið Þorbjörn við Bláa lónið og vorum við 1 og hálfan tíma að þessu og ég ætla ekki að lýsa því hvað ég er sæl með sjálfa mig núna, búin að fara í heitt bað, borða kjúklingasalad og DDV íspinna í náttfötunum mínum.

Ég er reyndar ekkert stressuð í dag og mér líður bara VEL. með allt draslið í kringum mig - er reyndar búin að losa mig við helling af því eftir að ég keypti bókina "Burt með Draslið" og skipuleggja allt svo miklu betur

 Vel á minnst - Fór einhver á THE SECRET í Háskólabíó ???? Ég fór og á reyndar diskinn líka og horfi reglulega á hann og ég verð að segja að hann er að gera mér gott.

Æi, þetta var eitthvað sem ég var að koma frá mér - og ekkert persónulegt - bara smá hugleiðing.

Takk fyrir stuðninginn elsku bloggsystur og vonandi eigið þið góðan frídag í dag!

Í augnablikinu er ég tölvulaus og má í rauninni ekki vera að því að blogga í vinnunni - mikið að gera en svona til að leyfa ykkur sem kíkið reglulega á mig þá fór 1.4 kg. í gær.

Þannig að ég losnaði við þessi 1100 grömm sem ég hafði bætt á mig + 300 grömm. og er staðan þá þannig að ég á eftir 2.1 í 15 kílóa markmiðið. Tek það fyrir 1. júní hehheeh!

Jæja, skvísur, kíki á ykkur þegar ég má vera að - tölvan mín er svo ofnotuð heima að viftan gaf sig hreinlega og þarf að skipta um viftu.

Gangi ykkur öllum rosavel í lífinu.

...um 900 grömm í þetta sinn, sem gerir 1100 grömm tvær siðustu viktanir. Nú er sko nóg komið af sukkinu enda búin að vera að á alls kyns uppákomum undanfarnar vikur og nú er það s.s. búið og ég get fari að snúa mér að 100% DDV.

Staðan mín á viktinni er þá sú að ég er 11.5 kg. léttari (var orðin 12.6 kg. léttari) og þarf því að hafa mig alla fram ef ég ætla að ná 15 kg. markmiðinu mínu fyrir þann 14. maí....Það er ekki fræðilegur möguleiki að ná þessu. Þetta eru 3.5 á viku....það þyrfti kraftaverk þannig að nú verð ég bara raunsæ og fresta þessu til enda maí - loka tilboð

Jæja, en svona er nú ástatt fyrir mér í dag - þyngdist bara Nú er ég að fara í göngu og ætla að gana alla daga vikunnar nema á miðvikudaginn (er að fara á fund í Rvk.)

....hahaha og gerast hlutirnir!  Ji hvað ég hef verið að gera svo allt annað en að vera að blogga undanfarið.  Ég skil bara ekki af hverju ég sleppt því.

Fyrir það fyrsta fór ég til tannlæknis á mánudaginn var, í rvk. á þeim tíma þegar ég átti að vera í viktun þannig að ég þurfti að sleppa viktuninni og þess vegna bloggaði ég ekki þá. Í öðru lagi hef ég EKKI verið 100% þessa síðustu viku vegna ýmissa atvika eins og á fimmtudagskvöldið fórum við hjónin á fyrirlesturinn í Háskólabíói um The Secret (ég á reyndar DVD diskinn) en það var alveg þess virði að mæta á þennan fyrirlestur....ég mæli með honum...maður verður eitthvað svo jákvæður.....en fyrir vikið náði ég ekki að borða kvöldmatinn minn því það var uppbókað og maður varð að vera duglegur að mæta tímanlega, sem við gerðum......rukum strax í bæinn eftir vinnu! Þannig að ég borðaði Nachos með ostasósu þarna um kvöldið....var svooooo svöng

Í gærkvöldi fórum við á sjávarréttarhlaðborð í Stapa á vegum Lions og þar var ekki hægt að vera 100% en reyndi mitt besta svosem......ég ætlaði að drekka diet gos með þessu en það var ekki afgreitt neitt sykurlaust (ekki verið að hugsa um þá sykursjúku ) þannið að bóndinn kom óvart með venjulegt kók sem ég náttúrulega drakk en eftir það drakk ég bara vatn með þessu. Maturinn var æðislegur hreint út sagt!!!!

Í kvöld er ég að fara á aðalfund á vegum vinnunar og eftir fundinn koma makarnir og verður grillað heilt lambalæri og fínerý og þá verður líka erfitt að vera 100%.

En í öll hin skiptin hef ég verið 100% og farið létt með það - en þegar svona dagar koma verður ég óvart soldið niðurdregin vegna þess að ég er ekki að standa mig, en má ekki gerast vegna þess að þegar ég fer út á lífið og borða ekki akkúrat eins og maður á að gera skv. Danska þá gerist það (fyrir mig) að ég fæ bjúg sem stendur jafnvel yfir í nokkra daga og af þvi ég er að þessu um helgar þá sýnir viktin alltaf meira vegna bjúgsins......svo daginn eftir þegar ég er komin á rétt ról aftur þá fara þessi auka grömm

En svona er þetta bara og það koma vikur eftir þessa viku og ég held ótrauð áfram minni réttu braut...tekur bara aðeins lengri tíma og ég get svo svarið fyrir það að ég SKAL ná 15 kg. markmiði mínu þann 15. maí!!! (eða eigum við að hafa það þann 14. sem er mánudagur?)

Sjáumst hressar og skítt með þessa helgi hún er óumflýanleg

....og lífið heldur sinn vanagang. Takk elsku vinkonur fyrir öll kommentin og skilninginn í fallinu mínu - maður er nú einu sinni mannlegur, er þaggi bara?  

Langaði bara að láta ykkur vita að ég er búin að vera 100% frá þessum fall-tíma mínum...en þá þarf þessi leiðinlega "frænka" að koma með sín tvö aukakíló meðferðis og ég vona bara að hún láti viktina eiga sig á mánudaginn því ég má ekki við tveimur svona vikum í röð. Ég er viss um að hún hafi verið ástæðan fyrir þessu Machkintosh-áti frá upphafi.

Ég hef alltaf gleymt að nefna göngutúrana mína. Ég geng næstum alla daga, 1/2 tíma í senn og jafnvel lengur og er farin að þrá það reyndar þegar ég hef ekki komist í göngutúra, þá er eins og mig vanti bara eitthvað í skrokkinn. Yndisleg tilfinning að ganga svona..algjörlega orðin "hooked"   Ég fer rosa góðan hring með brekkum í báðar áttir s.s. geng upp og niður brekkur í hverri göngu og það reynir svo vel á fæturnar og get ég alveg sagt að ég finni stóran mun á fótunum. Þarf að fara að byrja einhverjar magaæfingar með þessu svo ég samsvari mér einhvern tímann rétt...heheh!!!

Vildi bara láta ykkur vita að ég er enn á réttu róli í DDV - Takk!!!

Jæja, þá datt maður nú heldur betur í'ða!!!  Ekki áfengið heldur nammið....ég hreinlega datt ofaní Machintosh dollu um helgina - gat bara ekki hætt !!!  Og daginn eftir fékk ég mér svo Nizza súkkulaði Ég verð að viðurkenna að það er alveg rosalega erfitt að detta svona því það virðist vera svo erfitt að koma sér á réttu brautin aftur. Svo ég tali nú ekki um þreytuna og orkuleysið sem fylgir þessu...UUsss!!

Nú, svo fór ég svo í viktun í gær ogað sjálfsögðu kostaði þetta heilan helling!!! Ég sem ætlaði að reyna að koma mér niður í 15 kg. missirinn fyrir 1. maí,  þá bætti ég bara á mig 200 grömmum.....ljóta vitleysan.

Þetta er búið og gert og ég er komin á rétt ról aftur en ætla á árshátíð um helgina og reyni að vera rosa stillt þar

Það er mikið framundan í veislum og þar á meðal sjávarréttahlaðborð og Aðalfundur með tilheyrandi veitingum, þannig að það gæti tekið mig lengri tíma að losna við þessi 3,6 kíló sem ég á eftir í 15 kílóa léttinginn.  So be it  Ég er ekki á neinni hraðferð, ég ætla bara að komast í kjörþyngd fyrir haustið hehe!!

Jæja, nóg um þetta bull í mér og nú er bara a ðhalda áfram

Ég get svo svarið fyrir það! ég hef ekki bloggað í sex daga...heil eilífð síðan!!

Það er búið að vera eitthvað svo mikið að gera hjá mér og ég verð að viðurkenna að ég hef verið soldið með hugann við Danmörk undanfarið og verið að lesa bloggsíður íslendinga í Horsens og hreinlega misst mig þar inni. Þar er komið sumar!!! Búin að panta farið seinni partinn í sumar og förum við 1. ágúst og verðum til 15. (tvær vikur). Ég ætla að skoða skólann og nágrennið og ætlum við að reyna að fá leigt í Horsens. eða vera á farfuglaheimili eða hvoru tveggja

Jæja, fór loksins í viktun í dag og fór yfir páskana 1.4 kg. (tvær vikur) hefði svosem getað betur en ég svindlaði soldið. Ég fann það að bara við að sleppa einni viku fór ég að slá slöku við í matarræðinu og átti bara soldið erfitt með mig. Einn nammibiti hér og vaffla með rjóma þar.....en sem betur fer var nú ekkert mikið af þessu og gat ég hamið mig flesta dagana.

Nú er ég s.s orðin 91.6 kg. og stefnan var að vera búin að losna við 15 kg. fyrir 1. maí. vantar 2.4 til að ná því. Segjum sem svo að það verði ekki þá er ég samt að vinna sigur...því ég veit að ég hlít að ná 1.7 kg. fyrir 1. maí og þá er ég komin niður um nýjan tug og það er sigur útaf fyrir sig. e-þa'ggi

...þannig að ég var ekkert að blogga. Ég hef komist svo til slysalaust frá þessum páskum, eina vesenið er það að ég get ekki alveg borðað hvað sem er vegna tannholdsaðgerðinnar sem ég var í fyrir viku síðan - saumarnir teknir úr í dag þannig að það er bara fínt.

Ég hef verið dugleg að ganga um páskana og gékk meira að segja 2svar einn daginn og svo myndaðist ég við að hjóla á gíralausu hjóli og ég get svo svarið fyrir það að þetta var sko sviðpað og að vera í spinning. Ekkert smá púl, sko!!   Persónulega mega fæturnir á mér fara að slaka soldið á og maginn má fara að taka sig á hvað varðar fitu. - Er að verða eins og pera í laginu

Annars gengu páskarnir þokkanlega vel fyrir sig að fráskildum skírdag (smá svindl í gangi þá, matarlega séð og dýrindis eftirréttur)

Þrátt fyrir veisluna í gær kvaddi ég 800 grömm núna....ég þakka það nú kannski soldið þessum litlu 100 grömmum sem ég tók af mér í síðustu viku.....fann að ég var með bjúg og átti alveg eins von á að hann yrði farin fyrir þessa viktun...þannig að þetta jafnaðist soldið út núna. Bara sátt við þetta

Fór í BMI mælingu hjá þeim og hef lækkað um 2,4% og fitumassinn er 3,1 minni...nokkuð gott! Setti þetta inn í "Fituprósenta og BMI"

Næsta markmið mitt er að komast niður um 5 kíló og á ég eftir 3,8 í það markmið. ÉG SKAL NÁ ÞVÍ FYRIR 1 MAÍ.!!! Þá ÆTLA ég að vera búin að missa 15 kíló

Ég er alveg að drepast í "kjaftinum" núna og ætla ekki að hafa þetta neitt langt en kíki við hjá ykkur öllum á eftir þegar ég er búin að leggja mig aðeins.

Jæja, það kom að því að ég færi í veislu, fermingarveislu til bróðurdóttur minnar í dag. kl.14. Ég hef tekið þá ákvörðun að borða það sem er á boðstólnum í dag. Það verður matur og ætla ég að sleppa eða fá mér lítið af því sem er á bannlista DDV en annars ætla ég ekki mikið að spá í því sem ég læt oní mig í dag. Ég er búin með hálfan vatnsskammtinn minn og hádegisgrænmetið mitt en er að spara allt annað.

Á morgun fer ég síðan í tannholdsaðgerð sem felur í sér skurð í tannholdið vinstra megin niðri og á þriðjudaginn fer ég í aðgerð vinstra megin uppi. Ég má þá ekkert tyggja með þeim tönnum í hálfan mánuð og má ég alls ekki fá epli, ristað brauð og slíkt þannig að ég verð meira eða minna á fljótandi þennan tíma og ætti þá að geta bætt upp fyrir það sem éger að fara að borða í dag.

Við verðum bara heima um páskan og ætlum aðeins að reyna að gera "garðinn frægan"  ,bakgarðinn okkar  og laga aðeins til í honum og undirbúa fyrir sumarið.

Smá fréttir svona í lokin: Við höfum ákveðið að fara til Danmerkur haustið 2008 og ætla ég að læra í Byggingafræði í Horsens.....jíbbííí!!!

......fór ekki nema 100 grömm núna...heppin að hafa pissað áður en ég fór ... hehhe!!!

Ég átti alveg von á þessu því hún Rósa er ekki alveg farin og ég enn með bjúg síðan fyrr í vikunni....gæti verið Rósa - gæti verið Mexikanska súpan ?? Hver veit. Ég verð víst að vera duglegri að ganga þessa vikuna.....engin truflun NEMA fermingarveisla á sunnudeginum...en það er í lagi því daginn eftir (á mánudeginum) fer ég í tannholdsaðgerð nr.2 og verð á fljótandi næstu daga þar á eftir.......þetta kemur allt saman með kalda vatninu.

Jæja er með verkefni úr vinnunni sem þarf að klára fyrir morgundaginn og ætla ég að reyna að klára það fyrir "Gray's Anatomy" uppáhalds þáttinn minn.

Fer bloggrúnt seinna í kvöld.

P.s. takk stelpur fyrir hvatningarorðin - er bara nokkuð viss um að ég fari til Danmerkur í nám 2008 og að allt verði í stakasta lagi.

....síðan ég bloggaði síðast og mér finnst það alveg heil eilífð. Það hefur margt gerst síðan síðast.

Ég bauð tækniteiknurunum sem voru með mér í skólanum í heimsókn á fimmtudagskvöldið og var með Mexikanska súpu, kjúklingatartalettur og tortilla samloku (með quacamole á milli). Ég var búin að spara allan matinn minn nema grænmetið og vatnið, fékk mér alveg nóg af því og fékk mér hafragraut í morgunmat. Þetta gerði ég svo ég gæti fengið mér af þessu öllu um kvöldið - enda var bara gaman að hittast svona og spjalla um heima og geyma og geta verið með matarlega séð. NB: ég var ekki með neitt sætt með þessu - þær fengu engan eftirrétt

Í kjölfarið á þessum hittingi stækkaði flugan í maganum á mér um að fara í nám til Danmerkur um heilan helling. Fór meira að segja og hitti mann á vegum skólans um helgina (hann var akkúrat hér á landi þessa helgi) Ég hef haft þessa flugu lengi en það er eitthvað sem stoppar mig alltaf - fyrir það fyrsta fannst mér ég vera á síðasta sjéns vegna aldurs (en það er bara rugl!) í öðru lagi er klofinn flokkur á heimilinu - við erum 3 sem viljum fara en unglingurinn og pabbinn vilja alls ekki fara Mér finnst það sárt ef svona lagað þurfi að stoppa 3 og hálfs árs nám í byggingafræði fyrir manneskju sem NENNIR að læra. Ég er bara svo hissa að þau vilji ekki víkka sjóndeildarhringinnn sinn aðeins og prufa eitthvað nýtt í smátíma. Kannski breyta þau um skoðun þegar við förum í fríið í sumar til Billund, þá keyrum við til Horsens og skoðum skólahverfið. Annars fer ég bara ein með þessar yngri

Mér hefur gengið ágætlega með matarræðið en Rósa er hjá mér núna og eins og ég sagði síðast þá kemur hún alltaf með eitthvað mér sér eins og ca. 2 kílóa farangur púff!! Vonandi verður hún farin með sinn farangur fyrir viktun ámorgun. Nú annars tek ég því bara og missi þá bara meira næst.